2007-ci ildən etibarən "Unicapital" müştərilərinə qlobal və yerli bazarlarda broker xidməti göstərir.

O zamanlar investorların sifarişləri broker tərəfindən icra olunurdu. Lakin investorlar üçün bu şəkildə investisiya etmək müəyyən çətinliklər yaratdı: sifarişlər yalnız iş saatlarında yerləşdirilirdi, hesabatları anında əldə etmək və alətlərin siyahısını real zamanda izləmək mümkün deyildi.

İnvestisiyaya olan maraq artırdı. Treyderlər isə bəzi bazarlara birbaşa çıxış əldə etmək üçün xarici şirkətlərə müraciət edirdilər. Lakin müxtəlif platformalarda treyd etdikdə fərqli komissiyalar, müqavilələr və risklər nəzərə alınmalı idi.

Bununla yanaşı, investorların vəsaitləri xarici banklarda saxlanırdı. Bu isə, məxaric prosesini çətinləşdirdirə, əlavə xərclərin yaranmasına səbəb olurdu. Məsələ ilə bağlı optimal həll təqdim olunmalı idi.

İnvestorlardan topladığımız rəylər və bir müddət davam edən tədqiqatdan sonra bazara bir platforma təqdim etmək qərarına gəldik. Orada bütün alətlər yerləşdirilməli, ticarət prosesi isə rahat şəkildə həyata keçirilməli idi. Platformaya treydinqlə eyni zamanda ticarət hesabının idarə olunması imkanını yaratdıq.

Beləliklə, investorlara Unicapital komandası tərəfindən doğma dilimizdə hazırlanmış platforma olan “UTrader” terminalını təqdim etdik. Bu gün “UTrader” dünyanın bir çox maliyyə bazarlarına çıxış təmin edən Azərbaycan dilində ilk multialət platformasıdır.