FAQ

UTrader platforması müştəriləri beynəlxalq bazarlar ilə əlaqələndirir, səhmlərə, ETF-lərə, opsionlara, fyuçerslərə, investisiya fondlarına, metallara, indekslərə, valyutaya (FX və Kripto CFD), strukturlaşmış məhsullara və sair alətlərə yatırım etmə imkanını yaradır.

Platforma “Unicapital İnvestisiya Şirkəti” ASC-yə məxsusdur.

Səhm, Kripto (CFD əsasında), Forex (CFD əsasında), İstiqraz, Valyuta

Mövcud bazarların siyahısı ilə saytımızda yerləşən “Bazarlar və Alətlər” bölməsindən ətraflı tanış ola bilərsiniz.

Şəxsiyyəti və qeydiyyat ünvanını təsdiq edən sənədləri (məsələn: şəxsiyyət vəsiqəsi və elektron hökümət portalından çıxarış) sizə uyğun “Unibank KB” ASC-nın filialına təqdim etməklə hesab aça bilərsiniz.

Hesab açılışı üçün minimal olaraq 200 USD depozit tələb olunur.

Hesab açılışı adətən bir və ya iki iş günü ərzində tamamlanır. İstisna hallarda daha çox vaxt tələb oluna bilər.

Mədaxil üçün Unibankın istənilən filialına yaxınlaşaraq və ya "UBank" mobil tətbiq vasitəsi ilə hesabınızı artıra bilərsiniz. Vəsait bir iş günü ərzində ticarət platformasında əks olunur. Məxaric üçün isə “Unicapital İnvestisiya Şirkəti” ASC -ə yazılı müraciət edərək və ya platformadan məxaric əməliyyatını həyata keçirməklə vəsaitini geri çəkə bilər. Vəsait bir iş günü ərzində müştərinin bank hesabında əks olunur.

Ticarət zamanı aşağıdakı xərclər mövcuddur: 1) Əqdlər üzrə komissiya xərci – komissiya haqqı hər əqd üzrə (həm alış, həm də satış zamanı) tətbiq olunur. Komissiya dərəcələri ilə tarif cədvəlindən tanış ola bilərsiniz. 2) “Overnayt” komissiya xərci – Forex və Kripto alətlərdə “Uzun” və “Qısa”, bir çox alətlərdə isə yalnız “Qısa” mövqenin saxlanılması üçün gündəlik komissiya tətbiq olunur. Dərəcələr bazar şəraitindən asılıdır və tez-tez dəyişirlər. Treyderlər müştəri portalında cari gecəlik haqları ilə tanış ola bilərlər. “Overnayt” Komissiyasının hesablanma qaydası: Mövqenin bazar dəyəri * Mövqedə olan “Overnayt” faiz dərəcəsi / 360.

Vergi məcəlləsinə əsasən, qiymətli kağızların alqı-satqısından əldə olunan gəlir fiziki şəxslər üçün qeyri-sahibkarlıq fəaliyyətindən əldə olunan gəlir kimi təsnifləşdirilir və vergiyə cəlb olunur. Lakin Unicapital vergi agenti kimi çıxış etmədiyinə görə, vergi toplanması həyata keçirmir və ya hər hansı vergi öhdəlikləri ilə bağlı müştərilərə xidmət göstərmir. Vergi ilə bağlı dəqiq və aktual məlumat üçün müvafiq quruma müraciət edə bilərsiniz.

Xarici emitentə məxsus qiymətli kağızlar xarici kontragentin əməkdaşlıq etdiyi depozitar təşkilatda saxlanılır. Daxili bazarda sahib olduğunuz qiymətli kağızlar isə hər bir müştərinin adına Milli Depozitar Mərkəzdə saxlanılır.

Xarici kontragent “Unicapital İnvestisiya Şirkəti” ASC-ni xarici kontragent kimi tanıyır, lakin bütün qiymətli kağızlar üzrə əqdlər “Unicapital İnvestisiya Şirkəti” ASC tərəfindən keçirilir. Azərbaycan Respublikasının qanunvericiliyinə əsasən müştəri üçün alınan hər hansı maliyyə aləti onun adına əks olunur.

Hal-hazırda UTrader-də kredit çiyini (leverage) mövcud deyil. Qeyd edək ki, “Unicapital İnvestisiya Şirkəti” ASC Marja Ticarəti xidməti göstərir. Ətraflı məlumatı https://uforex.az saytında əldə edə bilərsiniz.

Gəlir və zərəriniz investisiya qərarınız ilə birbaşa bağlıdır. Gəlir və zərər aktivin bazardaki qiymət dəyişikliyindən formalaşır. Bundan əlavə, müştəri divident və ya faiz ödənişləri əldə elə bilər.

Azərbaycan Respublikasının qanunvericiliyinə əsasən, investisiya şirkəti müflis olduğu halda, müştərirlərin hesablarının idarə edilməsi nominə edilmiş investisiya şirkətinə həvalə olunur

Bank depoziti ilə maliyyə bazarlarına investisiyanın əsas fərqi ondan ibarətdir ki, maliyyə bazarlarına investisiya zamanı siz həm gəlirlik gözləntisini həm də risk səviyyəsinin idarə olunmasında geniş imkanlar əldə edirsiniz.

Səhm - öz sahibinə emitentin (səhmi buraxan şirkətin) gəlirinin bir hissəsini dividend şəklində almaq, emitentin idarə olunmasında iştirak etmək və emitentin ləğvi halında geridə qalan əmlakın bölüşdürülməsi zamanı həmin əmlakın bir hissəsini əldə etmək hüququnu verən pay qiymətli kağızıdır.

İstiqraz - onun sahibinin onu buraxmış şəxsdən istiqrazda nəzərdə tutulan müddətdə istiqrazın nominal dəyərini və ya başqa əmlak ekvivalentini almaq hüququnu təsdiqləyən qiymətli kağızdır. İstiqraz onun sahibinə həmçinin istiqrazın nominal dəyərindən faiz almaq hüququ və ya digər əşya hüquqları verə bilər.

Kriptovalyuta və ya qısaca kripto - mübadilə vasitəsi olaraq istifadə etmək üçün yaradılan rəqəmsal aktivdir.

Opsion – sahibinə müəyyən edilmiş tarixdə müəyyən baza aktivinin əvvəlcədən razılaşdırılmış qiymətlərlə almaq və ya satmaq hüququnu verən maliyyə alətidir.